پاکستانی نوجوان محمد روحیل ورلڈ سمٹ ایوارڈز کے ہال آف فیم میں شامل
The news is by your side.

Advertisement

پاکستانی نوجوان محمد روحیل ورلڈ سمٹ ایوارڈز کے ہال آف فیم میں شامل

لاہور : پاکستانی نوجوان محمد روحیل سمٹ ایوارڈز کے ہال آف فیم میں شامل ہونے والے پہلے پاکستانی بن گئے، یہ اعزاز انھیں شمسی توانائی سے تعلیم کے پروجیکٹ اور نوجوانوں کو آگاہی کے لئے ڈیجیٹل مہم جوئی پر دیا جا رہا ہے۔

تفصیلات کے مطابق تئیس سالہ پاکستانی نوجوان محمد روحیل نے بڑا کارنامہ کردکھایا اور دنیا کے بااثر اور نامور ایوارڈز یعنی ورلڈ سمٹ ایوارڈ کے ہال آف فیم میں اپنا نام شامل کروا کر عالمی سطح پر پاکستان کا نام روشن کر دیا۔

محمد روحیل ورنڈ فیصل آباد میں دن بھر مزدوری کرنے والے بچوں کو رات کے وقت شمسی توانائی سے تعلیم دیتے ہیں جبکہ انھوں نے لاہور میں بھی سولر اسکول بیگز مزدور بچوں میں تقسیم کئے، جسے پوری دنیا میں مانیٹر کیا جاتا ہے۔

پاکستانی نوجوان محمد روحیل ورنڈ کو عالمی سطح پر یہ اعزاز شمسی توانائی سے تعلیم کے پروجیکٹ اور نوجوانوں کو آگاہی کے لئے ڈیجیٹل مہم جوئی پر دیا جا رہا ہے۔

خیال رہے ورلڈ سمٹ ایوارڈز کا شمار با اثر اور نامور ایوارڈز میں کیا جاتا ہے، یہ ایوارڈز 15 سال سے منعقد کیا جارہا ہے۔

Comments

comments

یہ بھی پڑھیں