The news is by your side.

روہت شرما کا ارشدیپ سنگھ سے برتاؤ، سوشل میڈیا پر طوفان کھڑا ہوگیا

دبئی: سری لنکا کے خلاف آخری اوور میں فاسٹ بولر ارشدیپ سنگھ کے ساتھ بھارتی کپتان کے روئیے نے سوشل میڈیا پو طوفان کھڑا کردیا ہے۔

بھارتی میڈیا رپورٹ کے مطابق پاکستان سے شکست کا غم ابھی تازہ ہی تھا کہ سری لنکا نے بھارت پر لنکا ڈھادی اسی کے ساتھ ایشیا کپ کے فائنل میں بھارتی ٹیم کی رسائی مشکل ہوگئی ہے۔

ایسے میں سری لنکا کے خلاف میچ کے آخری اوور میں بھارتی کپتان روہت کے فاسٹ بولر ارشدیپ سنگھ کے ساتھ برتے جانے والا رویہ کیمروں کی آنکھ نے محفوظ کرلیا جسے بعد ازاں وائرل کردیا گیا۔

یہ بھی پڑھیں: ایشیا کپ کا فائنل کن ٹیموں کے درمیان ہوگا، بھارتی کپتان کا دعویٰ

وائرل ویڈیو میں دیکھا جاسکتا ہے کہ آئی لینڈرز کے خلاف میچ کا آخری اوور کرانے والے ارشدیپ سنگھ اپنے کپتان سے کچھ صلاح مشورہ کرنے کے لئے ان کے پاس گئے مگر انہوں نے فاسٹ بولر کی بات کو سنے بغیر نظر انداز کردیا۔

روہت شرما کے اس روئیے نے بھارتی شائقین کو سیخ پا کردیا اور سوشل میڈیا پر بھارتی صارفین نے روہت کو آڑے ہاتھوں لیا اور کہا کہ بھارتی کپتان کو یہ زیب نہیں دیتا کہ اس طرح کے اعصاب شکن مقابلے میں وہ اپنی بولر سے منہ موڑ لیں۔

ایک صارف نے لکھا کہ روہت جانی سن تو لے کہ ‘وہ کیا کہہ رہا ہے؟’ایک صارف نے لکھا کہ روہت تو کپتانی کے لائق ہی نہیں ہے۔

واضح رہے کہ گذشتہ شب سری لنکا کے اعصاب شکن مقابلے کے بعد بھارت کو 6 وکٹوں سے شکست دی تھی۔

Comments

یہ بھی پڑھیں