کراچی:لیاری چاکیواڑہ تھانے والی گلی میں مکان کی چھت منہدم ہوگئی، جس کے نتیجے میں ملبے تلے دب کر 2 افراد زندگی کی بازی ہار گئے جبکہ 7زخمی ہوگئے۔
ریسکیو حکام کا کہنا ہے کہ حادثے کے مقام سے مرنے والوں اور زخمیوں کو سول اسپتال منتقل کردیا ہے، جبکہ ریسکیو کا عمل جاری ہے۔
چھت گرنے کا ایک اور واقعہ لیاری کھڈا مارکیٹ کے قریب پیش آیا، جہاں چھت گرنے سے خاتون سمیت 2 افراد شدید زخمی ہوگئے، جنہیں سول اسپتال منتقل کردیا گیا ہے۔
دوسری جانب ٹریفک پولیس نے لیاقت آباد انڈر پاس میں پانی جمع ہونے کے باعث اسے بندکر دیا ہے۔ حسن اسکوائر سے لیاقت آباد جانے والی سڑک عیسیٰ نگری کے قریب 3 سے 4 فٹ دھنس گئی۔
وزیراعظم کا بجلی کے بلوں سے متعلق بڑا فیصلہ
حسن اسکوائر سے لیاقت آباد جانے والا روڈ ٹریفک کیلئے بند کردیا گیا ہے، علاقہ پولیس نے موبائلیں لگا کر عیسیٰ نگری روڈ کو ٹریفک کیلئے بند کر دیا ہے۔ لیاقت آبادسے حسن اسکوائرجانے والے ٹریک کو ڈبل چلایاجا رہا ہے۔
