سعودی وزارت اسلامی امور و دعوت و رہنمائی کی جانب سے جاری بیان میں کہا گیا ہے کہ ’خادم حرمین شریفین کی ضیافت میں عمرہ ادا کرنے والوں کے دوسرے گروپ کے استقبال کی تیاریاں مکمل کرلی گئی ہیں۔‘
بین الاقوامی خبر ر ساں ادارے کی رپورٹ کے مطابق سال رواں 2024 کے دوران شاہی ضیافت میں عمرہ کرنے والوں کا پہلا گروپ مکہ مکرمہ میں عمرہ اور مدینہ منورہ میں مسجد نبوی صلی اللہ علیہ وآلہ وسلم کی زیارت مکمل کرکے وطن پہنچ چکا ہے۔
وزارت اسلامی امور کے مطابق شاہی فرمان کے تحت عمرہ کرنے والے دوسرے گروپ میں 250 افراد شامل ہوں گے۔ ان کا تعلق براعظم یورپ اور جنوبی امریکہ کے 15 ملکوں سے ہے۔
شاہی مہمانوں کا تعلق مونٹی نیگرو، سربیا، یونان، بلغاریہ، رومانیہ، بوسنیا، البانیہ، کوسوا، مقدونیہ، کروشیا، سلوانیا، پولینڈ، برطانیہ، برازیل اور ارجنٹائن سے ہے۔
غار حرا کی زیارت کے لیے نئی سہولیات کونسی ہیں؟
خادم حرمین شریفین کے مہمانوں کے لیے وزارت اسلامی امور نے مکہ مکرمہ اور مدینہ منورہ میں قیام کے دوران عمرہ و زیارت کا مکمل پروگرام تیار کر رکھا ہے۔
