مودی سرکار کا آر ایس ایس نظریات کے تحت تعلیمی نصاب میں ہندوستانی تاریخ اور سائنس کو نئی شکل دینے کا منصوبہ سامنے آگیا۔
تفصیلات کے مطابق مودی سرکار کا ہندوستان کے تعلیمی نصاب میں ردوبدل کا منصوبہ سامنے آگیا ، مودی کی قیادت میں آرایس ایس کی نصابی کتابیں بھارتی تاریخ اور سائنس کونئی شکل دے رہی ہیں۔
بی جے پی کے انتہا پسندوں کی نظریاتی سرپرستی کے زیر انتظام اسکول نصاب میں حکومتی ایماپر تبدیلی کررہے ہیں ، مورخین، سائنسدانوں اوردیگرناقدین نےمودی حکومت پر الزام عائد کیا ہے وہ ہندوتوا ایجنڈے کے مطابق نصاب میں ردوبدل کر رہی ہے۔
الجزیرہ کا کہنا ہے کہ بھارتیہ جنتاپارٹی اور ان کے حمایتی لاکھوں بھارتی نوجوانوں کےذہنوں پر اثر انداز ہونے کیلئےدرس و تدریس کا استعمال کرنے کی صلاحیت رکھتے ہیں، یہی نوجوان مارچ اورمئی کےدرمیان متوقع بھارتی انتخابات میں پہلی بار ووٹ ڈالیں گے۔
عرب ٹی وی نے مزید کہا کہ بی جےپی کےزیر انتظام طلباکےذہنوں میں تاریخ کے ان ہیروز کا چہرہ مسخ کیا جا رہا ہے جن کا تعلق ہندو مذہب سے نہیں ہے، مودی حکومت کےزیراثر چلنے والے ان تعلیمی اداروں میں صرف ہندوتوا نظریے کو پروان چڑھانے والا نصاب ہی بچوں کو پڑھایا جا رہا ہے۔
الجزیرہ کے مطابق آر ایس ایس کے اسکولز بھارتی بچوں کو مسلمانوں اور عیسائیوں کے خلاف پروان چڑھا رہے ہیں اور بچوں کے ذہنوں میں پوری دنیاہندوبالادستی کےخلاف سازش کر رہی ہے، جیسے خیالات ڈال رہے ہیں۔
اس حوالے سے صحافی نیلنجن مکوپادھیائے کا کہنا تھا کہ ودیا بھارتی اسکولز تعلیم آر ایس ایس کی بڑی حکمت عملی کا حصہ ہیں، آر ایس ایس کااسکولوں کےاتنے بڑے نیٹ ورک کوچلانےکامقصد نئی نسل کےذہنوں پراثر اندازہوکر ہندوتوا سوچ کےمطابق ڈالنا ہے۔
سال 1999سے 2004 کے درمیان بھی جب بی جے پی پہلی بار حکومت میں آئی تو اس نے اسی طرح کے نصاب میں ردوبدل کا کام شروع کیا اور اب تعلیمی نصاب میں ہندوستانی تاریخ اور سائنس کو نئی شکل دے رہے ہیں۔
