بھارتی ڈرامہ انڈسٹری کی معروف اداکارہ اور رئیلٹی شو بگ باس سیزن 14 کی فاتح روبینہ دلیک کار حادثے میں زخمی ہوگئیں۔
بھارتی میڈیا رپورٹس کے مطابق اداکارہ روبینہ دلیک کی گاڑی کو ممبئی میں گزشتہ روز حادثہ پیش آیا جس کی اطلاع ان کے شوہر و اداکار ابھینو شکلا نے ٹوئٹر پر دی۔
ابھینو شکلا نے ٹوئٹ میں دو گاڑیوں کی تصاویر شیئر کیں جنہیں نقصان پہنچا تھا اور لکھا کہ ’یہ ہمارے ساتھ ہوا ہے آپ کے ساتھ بھی ہوسکتا ہے، فون میں مصروف ٹریفک سگنلز توڑنے والے احمقوں سے ہوشیار رہیں، روبینہ اس وقت گاڑی میں تھیں جنہیں طبی امداد کے لیے اسپتال منتقل کیا گیا۔‘
روبینہ دلیک نے بھی ٹوئٹ میں طبیعت سے متعلق لکھا کہ ’اس حادثے میں میرے سر اور کمر کے نچلے حصے میں چوٹ لگی ہے جس کی وجہ سے میں گہرے صدمے میں مبتلا ہوں۔‘
Happened to us, can happen to you. Beware of idiots on the phone jumping traffic lights. To top it up standing there smiling. More details later. Rubina was in car she is fine, taking her for medical. @MTPHereToHelp @MumbaiPolice request you to take strict action ! @RubiDilaik pic.twitter.com/mOT5FPs4Vo
— Abhinav Shukla (@ashukla09) June 10, 2023
اداکارہ نے بتایا کہ انہوں نے میڈیکل ٹیسٹ کروائے ہیں اور سب کلیئر ہیں۔
روبینہ نے لکھا کہ ’لاپرواہ ٹرک ڈرائیور کے خلاف قانونی کارروائی کی جارہی ہے لیکن نقصان ہوچکا ہے، میں آپ سب سے گزارش کرتی ہوں کہ سڑک پر لاپرواہی نہ برتیں۔‘
Due to the impact I hit my head and lower back, so was in a state of shock, but we ran medical tests,everything is Good….
Legal action has been taken against the reckless truck driver , but the damage is done! I urge you all to be mindful on road 🙏🏼 Rules r for our own safety ! https://t.co/HFB2xpPZVy— Rubina Dilaik (@RubiDilaik) June 11, 2023
واضح رہے کہ گزشتہ روز ممبئی میں اداکارہ کی گاڑی کو ٹرک نے ٹکر ماری تھی جس کے نتیجے میں روبینہ دلیک زخمی ہوگئی تھیں۔
