site
stats
عالمی خبریں

شام میں روسی کارروائی، داعش کے زیرِ قبضہ آئل ریفائنری تباہ

شام : روسی طیاروں نے شام میں کارروائی کے دوران دہشتگردوں کے چار سو بہتر ٹھکانوں کو نشانہ بنایا، فرانسیسی بحری بیڑہ بھی بہت جلد شام میں کارروائی کا آغاز کر دے گا۔

روسی وزارت دفاع کے ترجمان کا کہنا ہے کہ شام میں روسی جنگی جہازوں نے حلب، دمشق ،ادلب اور ہمامیں شدت پسندوں کے چار سو بہتر ٹھکانوں کو نشانہ بنایا۔اس دوران رقہ کے جنوب میں دہشتگردوں کی زیرقبضہ ایک آئل ریفائنری کو بھی تباہ کردیا گیاہے۔

دوسری جانب فرانسیسی وزیردفاع کا کہنا ہے کہ فرانسیسی بحری بیڑہ بھی بہت جلد شام میں کارروائیوں کا آغاز کردے گا۔فرانسیسی بیڑہ شامی سمندری حدودمیں پہنچ چکا ہے۔

بحری بیڑہ سے پرواز کی صورت میں فرانسیسی جہازوں کو وقت کی بچت میسر ہوگی، بیڑے سے ایک دن میں چالیس جہازوں کے ذریعے سو پروازوں کی سہولت حاصل ہے.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top