The news is by your side.

Advertisement

روس نے یوکرین کی مدد کیلیے بھیجے گئے امریکی اور مغربی ہتھیار تباہ کردیے

روسی افواج نے سولیدار شہر کے قریب ریلوے اسٹیشن پر  راکٹ حملہ کرکے یوکرین کی مدد کیلئے بھیجے گئے امریکی و مغربی ہتھیاروں کو تباہ کردیا ہے۔

غیر ملکی خبر رساں ادارے کے مطابق یوکرین میں روسی فوج کی کارروائیاں جاری ہیں۔ روس کی وزارت دفاع کے ترجمان ایگور کوناشینکوف نے اپنے ایک جاری بیان میں دعویٰ کیا ہے کہ روسی ائیر فورس نے یوکرین کے شہر سولیدار کے قریب ایک ریلوے اسٹیشن پر فضائی حملہ کیا ہے، جس میں یوکرین فوج کی مدد کیلئے بھجوائے گئے امریکی و مغربی ہتھیاوں کو نشانہ بنایا گیا۔

یہ بھی پڑھیں: یوکرین پر حملہ کیوں کیا؟ روسی صدر نے تہلکہ خیز انکشاف کردیا

ترجمان نے کہا کہ حملے کیلئے فضا سے زمینی ٹارگٹ کو نشانہ بنانے کیلئے بہترین میزائل استعمال کیے گئے، میزائلوں کے ذریعے ریلوے اسٹیشن پر پہنچائے گئے مغربی ہتھیاروں اور فوجی سازو سامان کو تباہ کردیا ہے۔

انہوں نے بتایا کہ روس فضائیہ نے یوکرینی فوج کے میزائل اور اسلحہ کے ہتھیاروں کو ذخیرہ کرنے والے چھ ڈپو ؤں کو بھی تباہ کردیا ہے، جبکہ یوکرین کے Su-25 جنگی طیارے کو بھی مار گرایا ہے۔ انہوں نے کہا کہ روسی فضائیہ نے لوہانسک، ڈونیٹسک اور خارکیو کے علاقوں میں اسلحہ ڈپو کو نشانہ بنایا۔

Comments

یہ بھی پڑھیں