The news is by your side.

Advertisement

کرونا ویکسین: روس نے ٹیکنالوجی ترکی منتقل کرنا شروع کر دی

ماسکو: روس ترکی میں کرونا وائرس کی ویکسین تیار کرے گا، اس سلسلے میں ٹیکنالوجی کی منتقلی بھی شروع کر دی گئی۔

رپورٹ کے مطابق روسی براہ راست سرمایہ کاری فنڈ (آر ڈی آئی ایف) نے ترکی میں اسپوتنک وی کرونا وائرس ویکسین کی تیاری پر اتفاق کر لیا ہے۔

روس نے ترکی میں ویکسین کی تیاری کے لیے ٹیکنالوجی کی منتقلی کا عمل بھی شروع کر دیا ہے۔

آر ڈی آئی ایف نے ترکی میں اسپوتنک وی ویکسین کی تیاری کے لیے دوا سازی سے منسلک ایک معروف ترک صنعت کار کے ساتھ معاہدے پر دستخط کیے اور ٹیکنالوجی کی منتقلی کا عمل شروع کیا۔

یو اے ای کا روسی ویکسین سے متعلق بڑا فیصلہ

غیر ملکی منڈیوں میں Sputnik V کی ویکسین کو فروغ دینے کے لیے آر ڈی آئی ایف نے ترک کمپنی کے ساتھ بات چیت کی ہے، آر ڈی آئی ایف کے نمائندے نے بتایا کہ ممکنہ طور پر پیداواری حجم ہر سال ویکسین کی لاکھوں خوراک ہے۔

روسی سرمایہ کاری فنڈ کا کہنا ہے کہ مستقبل میں اس پیداوار کی ممکنہ توسیع کے معاملے پر بھی ترکی کے ساتھ بات کی جارہی ہے۔

واضح رہے کہ ترکی میں تیار کی گئی اسپوتنک وی ویکسین ترکی کی مقامی مارکیٹ اور دیگر ممالک دونوں کو فراہم کی جائے گی۔

اس فنڈ نے جنوبی کوریا، چین، بھارت، برازیل، بیلاروس اور قازقستان میں بھی مینوفیکچررز کے ساتھ اسپوتنک وی کی تیاری کے معاہدوں پر دستخط کیے ہیں۔ دوسری طرف ترکی بھی کرونا وائرس ویکسین کی مشترکہ تیاری کے سلسلے میں جرمنی کے ساتھ بات چیت کر رہا ہے۔

Comments

یہ بھی پڑھیں