The news is by your side.

یوکرین حکومت نے آیوڈین کی گولیاں بانٹنا شروع کردیں، وجہ حیران کن

روسی فوج کی جانب سے یوکرین میں تباہ کن بمباری کے بعد یوکرین حکومت نے اپنے شہریوں کی صحت اور تندرستی کیلئے اہم اقدامات کیے ہیں۔

اس حوالے سے غیرملکی خبر رساں ادارے کی رپورٹ کے مطابق جنگ کے دوران روسی فوج کی جانب سے متواتر مارے جانے والے بموں کے کیمیکل اثرات شہریوں کی صحت کیلئے انتہائی نقصان دہ ہیں۔

اس سلسلے میں یوکرین کے دیگر شہروں سمیت دارالحکومت کیف کے بعض علاقوں میں لوگوں کو تابکاری اثرات سے محفوظ رکھنے کے لیے آیوڈین کی گولیاں تقسیم کی گئیں۔

Miracle 2 of Utah's potassium iodate is arranged for a photograph in Mapleton, Utah, U.S., on Wednesday, March 16, 2011. U.S. lawmakers want federal authorities to expand the availability of potassium iodide to protect people who live near nuclear power plants from the cancer-causing effects of radiation. Taking Potassium Iodide or Potassium Iodate pills can protect against radioactive poisoning by "filling" the thyroid with this harmless substance for a period of time. Photographer: George Frey/Bloomberg via Getty Images

کیف شہر کی مقامی بلدیہ انتظامیہ کا کہنا ہے کہ تابکاری اثرات کے ممکنہ اخراج کی صورت حال کے پیش نظر شہریوں کو دوا کے ساتھ ساتھ ان اثرات سے محفوظ رہنے کی ہدایات بھی دی جارہی ہیں۔

یاد رہے کہ روس نے رواں سال 24 فروری کو یوکرین پر فوجی حملہ کیا تھا۔ اس دوران اب تک مجموعی طور پر 114 ہلاکتوں کی خبریں سامنے آچکی ہیں۔ میڈیا رپورٹس کے مطابق 54 یوکرینی فوجی اور 10 شہری روسی حملے میں ہلاک ہوئے ہیں۔

علاوہ ازیں تازہ ترین اطلاعات کے مطابق یوکرین نے روس کے 50 فوجیوں کو مارنے اور 6 جنگی طیارے و 4 ٹینکس تباہ کرنے کا دعویٰ کیا ہے۔

علامتی تصویر

بتایا جاتا ہے کہ روس نے یوکرین پر تین جانب سے حملہ کیا ہے، کیف میں ایک یوکرینی جنگی طیارہ کے حادثہ کا شکار ہونے کی بھی اطلاع موصول ہو رہی ہے۔

واضح رہے کہ یوکرین میں اس وقت میزائلوں اور گولہ بارود سے حملوں کا سلسلہ جاری ہے، روسی فوج یوکرین کے دارالحکومت کیف سمیت کئی علاقوں میں پہنچ چکی ہے اور یوکرین کی فوج بھی اپنی پوری طاقت کے ساتھ ان  کا مقابلہ کر رہی ہے۔

 

Comments

یہ بھی پڑھیں