ماسکو : 47 سال بعد چاند پر روانہ کیے جانے والے روس کے خلائی مشن لونا 25 نے باقاعدہ ڈیٹا بھیجنے کا سلسلہ شروع کردیا۔
جمعہ کو روانہ ہونے والا لونا 25 پانچ روز میں چاند تک پہنچے گا اور مدار میں ایک ہفتہ گزارنے کے بعد چاند کی سطح پر اترے گا۔
اس حوالے سے روسی خلائی ایجنسی کے مطابق روسی سائنسدانوں نے لونا 25 سے موصول ڈیٹا پر کام کرنا شروع کردیا۔
لونا25 پانی کی ممکنہ موجودگی معلوم کرنے کے لیے چاند کے قطب جنوبی سے نمونے جمع کرے گا۔
بھارت کا 14 جولائی کو روانہ ہونے والا مشن چندریان 3 بھی چاند کے مدار میں موجود ہے، بھارت کا مشن چندریان 23 اگست کو چاند کے قطب جنوبی میں اُترنے کی کوشش کرے گا۔
بھارت اور روس کے خلائی مشن چاند کے قطب جنوبی پر پہلی کامیاب لینڈنگ کے لیے کوشاں ہیں۔
واضح رہے کہ امریکہ، چین اور روس کوئی بھی اب تک چاند کے قطب جنوبی میں کامیاب لینڈنگ نہیں کر سکا ہے۔
یاد رہے کہ روس نے 47 سال بعد 11 اگست کو اپنا خلائی مشن چاند پر روانہ کیا تھا، اس سے پہلے روس نے 1976 میں لونا 24 چاند پر بھیجا تھا جو چاند کی سطح سے 170 گرام مٹی لایا تھا۔
