The news is by your side.

Advertisement

صبا قمر کا شادی سے انکار، بلاگر عظیم خان کا بھی ردعمل آگیا

لاہور : پاکستان کی معروف اداکارہ صبا قمر کی جانب سے سوشل میڈیا پر جاری شادی سے انکار سے متعلق پوسٹ پر بلاگر عظیم خان نے بھی اپنا ردعمل دے دیا۔

بین الاقوامی شہرت رکھنے والی پاکستان کی معروف ادکارہ صباء قمر نے بلاگر عظیم خان کے ساتھ شادی سے انکار کا اعلان سوشل میڈیا پر جاری ایک پوسٹ میں کیا جس کے جواب میں عظیم خان نے بھی اپنا مؤقف جاری کر دیا ہے۔

بلاگر عظیم خان نے صبا قمر کی جانب سے شادی سے انکار پر مبنی پیغام کے اسکرین شاٹ کو شیئر کرتے ہوئے لکھا کہ صبا قمر نے میری طرف سے کچھ نہیں لکھا اور ہاں یہ میری غلطی ہے۔“

اداکارہ صبا قمر نے سوشل میڈیا بلاگر عظیم خان کے ساتھ شادی سے انکار کا اعلان کرتے ہوئے سوشل میڈیا صارفین اور اپنے مداحوں کو ایک نئی بحث میں ڈال دیا ہے۔

اس سے کچھ دیر قبل ہی معروف اداکارہ صبا قمر نے فوٹو شیئرنگ ایپ انسٹاگرام پر اپنے مداحوں کو مخاطب کرتے ہوئے کہا تھا کہ آج وہ ایک اہم اعلان کرنے جارہی ہیں، وہ یہ ہے کہ بہت سارے ذاتی معاملات کی بنا پر انہوں نے عظیم خان سے شادی کے فیصلے کو منسوخ کردیا ہے، اب ہم شادی نہیں کررہے ہیں۔

ادکارہ نے اپنی پوسٹ میں لکھا کہ انہیں امید ہے کہ میرے اس فیصلے پر مداح میری حوصلہ افزائی کریں گے، جیسے آپ لوگ میرے فیصلوں پر مجھے اب تک سپورٹ کرتے آئے ہیں، ساتھ ہی انہوں نے لکھا کہ “مجھے کڑوا سچ جاننے میں کوئی تاخیر نہیں ہوئی ہے۔”

مزید پڑھیں : معروف اداکارہ صبا قمر کا عظیم خان سے شادی نہ کرنے کا اعلان 

فوٹو شیئرنگ ایپ انسٹاگرام پر اداکارہ نے کہا کہ یہاں ایک اور اہم بات واضح کردوں کہ وہ آج تک کبھی عظیم خان سے نہیں ملی، میرے اور عظیم خان کے درمیان رابطہ صرف فون پر تھا۔

سوشل میڈیا بلاگر عظیم خان سے شادی کے فیصلے کو منسوخ کرنے سے متعلق اداکارہ صبا قمر نے اعتراف کیا کہ وہ اس وقت بہت کڑے وقت سے گزر رہی ہے، مگر ہم سب جانتے ہیں کہ “انشااللہ یہ وقت بھی گزرجائے گا”

Comments

یہ بھی پڑھیں