آئین میں کہیں نہیں لکھا کہ پورے ملک میں بلدیاتی نظام ایک ہو: سعید غنی -
The news is by your side.

Advertisement

آئین میں کہیں نہیں لکھا کہ پورے ملک میں بلدیاتی نظام ایک ہو: سعید غنی

سکھر: وزیر بلدیات سندھ سعید غنی کا کہنا ہے کہ آئین میں کہیں نہیں لکھا کہ پورے ملک میں بلدیاتی نظام ایک ہو۔ صوبے میں ایک جیسا نظام نہیں ہو سکتا تو سب جگہ کیسے ہو سکتا ہے۔

تفصیلات کے مطابق وزیر بلدیات سندھ سعید غنی کا کہنا تھا کہ بلدیاتی انتخابات کی تاریخ پر حتمی بات نہیں کروں گا۔ شہریوں کو صاف پانی فراہم کرنا ترجیح ہے۔ سکھر میں شہریوں کو پینے کے لیے صاف پانی نہیں مل رہا۔

انہوں نے کہا کہ کسی کے خلاف کارروائی کریں تو وہ عدالت چلے جاتے ہیں، جعلی بھرتی ملازمین کو ہٹائیں گے تو وہ سڑکوں پر آئیں گے، کوریج ملے گی۔

سعید غنی کا کہنا تھا کہ وزیر اعظم کو اختیار نہیں وہ کسی صوبے کو بلدیاتی انتخابات پر ڈکٹیٹ کریں۔ آئین میں کہیں نہیں لکھا کہ پورے ملک میں بلدیاتی نظام ایک ہو۔ صوبے میں ایک جیسا نظام نہیں ہو سکتا تو سب جگہ کیسے ہو سکتا ہے۔

وزیر بلدیات نے مزید کہا کہ وزیر اعظم کو جو لوگ سمجھا رہے ہیں ان کو خود بھی سمجھنا چاہیئے۔ کرپشن کسی نے کی ہے تو عمران خان کا کام پکڑنا نہیں ہے۔ ’چیئرمین نیب جس طرح سے وزیر اعظم سے ملے اس پر حیرت ہے‘۔

Comments

comments

یہ بھی پڑھیں