کراچی: سفاری پارک نے ہتھنیوں کی منتقلی اور ان کے انتظامات سے انتظامیہ نے معذرت کرلی۔
تفصیلات کے مطابق چڑیا گھر کی ہتھنیوں کو سفاری پارک منتقل کرنا تھا، چڑیا گھر کے سینئر ڈائریکٹر نے ہتھنیوں کو سفاری پارک منتقل کرنے کیلئےخط لکھا تھا۔
تاہم ڈائریکٹر سفاری پارک نے جوابی خط میں ہتھنیوں کی منتقلی سےمنع کردیا، سفاری پارک کے ڈائریکٹر نے انتظامیہ سے ہتھنیوں کی رہائش کے انتظامات کیلئے ٹینڈر دینے کا مشورہ دیا ہے۔
واضح رہے کہ کراچی چڑیا گھر میں ہھتنی نورجہاں کی طبیعت دن بدن خراب ہونے لگی۔
ہھتنی نورجہاں کو جوڑوں میں تکلیف پر دی جانے والی ادویات نے حالت مزید خراب کردی۔
ذرائع نے بتایا کہ چڑیا گھر انتظامیہ نے ہتھنی کو درد کش دواؤں پر رکھا ہوا تھا، دردکش ادویات کے باعث ہتھنی کی طبیعت دن بدن مزید خراب ہورہی ہے۔
Comments
- Advertisement -
