The news is by your side.

Advertisement

سانحہ صفورا کا مرکزی ملزم اور داعش کا سرغنہ گرفتار

کراچی : سانحہ صفورا کے مرکزی ملزم امیرعمر کاٹھیو کو گرفتار کرلیا گیا، ملزم نے دوہزارگیارہ میں سندھ میں دہشت گردی کا نیٹ ورک بنایا تھا۔

تفصیلات کے مطابق سانحہ صفورا کے مرکزی ملزم اور داعش کا سرغنہ کو گرفتار کرلیا گیا، سانحہ صفورا کے گرفتار ملزم سعد عزیز کی نشاندہی پر عمر کاٹھیور کی گرفتاری ممکن ہو سکی ہے۔

ذرائع نے بتایا کہ عمر کاٹھیور نے دوہزار گیارہ میں سندھ میں دہشت گردوں کا منظم نیٹ ورک قائم کیا تھا، عرب ممالک سے تعلق رکھنے والے القاعدہ کے دہشت گردوں کو سہولتیں فراہم کرنا عمر کاٹھیور کی ذمہ داری تھی۔ ملزم کوعربی زبان میں مہارت بھی حاصل تھی، دہشت گردوں کو فنڈنگ کرتا تھا۔

ذرائع نے بتایاکہ ملزم کی اہلیہ سندھ میں داعش خواتین کا نیٹ ورک چلاتی تھی، عمر کاٹھیو سے نامعلوم مقام پر تفتیش شروع کردی گئی ہے اور اس کی نشان دہی پر اہم گرفتاریاں بھی متوقع ہیں۔

Comments

comments

یہ بھی پڑھیں