پاکستانی فلم اور ڈرامہ انڈسٹری کی معروف اداکارہ سجل علی بھی عرشمان نعیم کی آواز کی مداح ہوگئیں۔
فوٹو اور ویڈیو شیئرنگ ایپ انسٹاگرام اسٹوری میں سجل علی نے عرشمان کی گلوکاری کی ویڈیو شیئر کی اور ساتھ ہی ان کی خوب تعریف بھی کی۔
عرشمان کو ویڈیو میں گانا ’دل ویراں ہے جذبات میرے سبھی تو ہی جانے‘ گنگناتے ہوئے دیکھا جاسکتا ہے۔
اداکارہ نے ویڈیو شیئر کرتے ہوئے عرشمان کے لیے نیک خواہشات کا اظہار کیا اور لکھا کہ ’آپ بہت باصلاحیت ہیں۔‘
عرشمان کی ویڈیو پر صارفین کی جانب سے بھی کمنٹس کرنے کا سلسلہ جاری ہے اور مداح عرشمان کو چھوٹا عاطف اسلم کہہ کر مخاطب کررہے ہیں۔
واضح رہے کہ عرشمان نعیم کے انسٹاگرام پر فالوورز کی تعداد 65 ہزار کے قریب ہے۔
گلوکار اکثر اپنے گانے کی ویڈیو انسٹاگرام پر شیئر کرتے رہتے ہیں جسے ان کے مداحوں کی جانب سے بھی پسند کیا جاتا ہے۔
عرشمان نے مختلف گانے بھی گائے ہیں جن میں گلوکار عاطف اسلم کا مقبول گانا ’اب تو عادت سی ہے مجھ کو ایسے جینے میں‘ بھی شامل ہے۔
