کراچی : پی آئی اے پائلٹوں کی تنخواہوں میں 25 فیصد کمی کا فیصلہ کرلیا گیا ، ماہانہ 50 فلائنگ گھنٹے مکمل کیے جانے پر ہی الاونس کی ادائیگی ہو گی۔
تفصیلات کے مطابق پی آئی اے انتظامیہ نے پائلٹوں کی تنخواہوں اورمراعات میں کمی کا فیصلہ کرلیا ، کپتا نوں کی تنخواہوں میں 25 فیصدکٹوتی ہو گی۔
کپتانوں کو 75 گھنٹے کے بجائے 50گھنٹے گارنٹی الاوئنس کی ادائیگی کی جائے گی جبکہ ماہانہ 50 فلائنگ گھنٹے مکمل کیے جانے پر ہی الاونس کی ادائیگی ہو گی۔
یاد رہے رواں سال جون میں پی آئی اے انتظامیہ نے ملازمین کی10 تا 25 فیصد تنخواہوں میں کٹوتی کا آغاز کیا تھا، جس کے تحت ایک لاکھ سے زائد تنخواہ لینے والے ملازمین کی تنخواہ سے10 فیصد جب کہ دو لاکھ سے زائد تنخواہ والے ملازمین کی 20 فیصد کٹوتی کی گئی۔
اسی طرح تین لاکھ سے زائد تنخواہ لینے والے پی آئی اے ملازمین کی 25 فیصد کٹوتی کی گئی تھی۔