صدر و سی ای او اے آر وائی نیٹ ورک اور کراچی کنگز کے مالک سلمان اقبال نے لاہور قلندرز کے خلاف شاندار کامیابی پر کراچی کنگز کو شاباش دی ہے۔
سماجی رابطے کی ویب سائٹ ٹوئٹر پر ٹیم کے نام اپنے پیغام میں انہوں نے کراچی کنگز کی جانب سے بہترین پرفارمنس پیش کرنے پر تعریف کرتے ہوئے شاباشی دی۔
ٹوئٹر پر میچ جیتنے کے بعد کے لمحات کی تصویر شیئر کرتے ہوئے انہوں نے لکھا کہ الحمداللہ ۔۔۔ اچھا کھیلا
سلمان اقبال نے کراچی کنگز کی جانب سے ڈیبیو کرنے والے عاکف جاوید کی بہترین پرفارمنس کی تعریف کرتے ہوئے ان کی بالنگ کو زبردست قرار دیا۔
Alhumdulilah 🤲 !!! Well-played @KarachiKingsARY and great bowling akif javed . pic.twitter.com/gHLfb5oGXi
— Salman Iqbal ARY (@Salman_ARY) February 19, 2023
بائیں ہاتھ کے بولر عاکف جاوید نے 3اعشاریہ3 اوورز میں 28 رنز دے کر 4 کھلاڑیوں کو پویلین کی راہ دکھائی۔ انہوں نے 10 ڈاٹ بالز بھی کیں۔
میچ کے اختتام پر گفتگو کرتے ہوئے عاکف جاوید نے کہا کہ وسیم اکرم اور دیگر نے جو پلان بتایا اس پر عمل کیا مجھے انہوں نے گائیڈ کیا جس سے میری کارکردگی مزید بہتر ہوئی۔
علاوہ ازیں بوم بوم شاہد آفریدی نے پی ایس ایل میں سخت حریف لاہور قلندرز کے خلاف شاندار فتح پر کراچی کنگز کو مبارکبادی ہے۔ کراچی ٹیم کو سپورٹ کرنے کے لیے شاہدآفریدی بھی میدان میں موجود تھے جنہوں نے جیت کے بعد کراچی کے کھلاڑیوں کو گلے لگایا اور مبارکباد دی۔
Moments we live for ❤️#YehHaiKarachi | #KKvLQ | #HBLPSL8 pic.twitter.com/FZVftN4ehm
— Karachi Kings (@KarachiKingsARY) February 19, 2023
میڈیا سے اپنی مختصر گفتگو میں شاہدآفریدی نے کہا کہ کراچی اچھا میچ جیتا، کراچی کیلئے یہ جیت ضروری تھی۔انہوں نے کہا کہ کراچی کو پی ایس ایل میں رہنا چاہیے کنگز آج اچھی ٹیم کےخلاف جیتی ہے۔
واضح رہے کہ پاکستان سپر لیگ (پی ایس ایل) سیزن 8 میں کراچی کنگز نے اپنی پہلی کامیابی حاصل کرلی، جس میں لاہور قلندرز کو67 رنز سے ہرا دیا۔
کراچی کنگز نے پہلے کھیلتے ہوئے مقررہ 20 اوورز میں 185 رنز بنا کر لاہور قلندرز کو جیتنے کے لیے 186 رنز کا ہدف دیا، جس کے جواب میں قلندرز کی پوری ٹیم 18 ویں اوور میں 118 رنز بناکر آؤٹ ہوگئی۔
