ساؤتھ انڈین فلموں کی معروف اداکارہ سمانتھا روتھ پربھو اپنی فلم ’شکنتلم‘ کی ریلیز سے دو روز قبل بیمار ہوگئیں۔
بھارتی میڈیا رپورٹس کے مطابق اداکارہ سمانتھا روتھ پربھو کی فلم ’شکنتلم‘ کی ریلیز میں دو روز باقی ہیں لیکن اداکارہ کو خرابی صحت کی وجہ سے پروموشن منسوخ کرنا پڑا۔
سمانتھا پربھو نے سوشل میڈیا کے ذریعے مداحوں کو بیماری کی اطلاع دیتے ہوئے لکھا کہ ’مصروف شیڈول نے صحت کو متاثر کیا ہے جس کی وجہ سے وہ بخار میں مبتلا ہیں۔
(1/2)I was really excited to be amongst you all this week promoting my film and soaking in your love.
Unfortunately the hectic schedules and promotions have taken its toll, and I am down with a fever and have lost my voice.
— Samantha (@Samanthaprabhu2) April 12, 2023
دوسری جانب تیلگو فلم ڈائریکٹر گناسیکر نے انکشاف کیا ہے کہ سمانتھا رتھ پربھو انتہائی بیمار ہو گئی ہیں جس لیے وہ فلم کے پروموشنز میں شریک نہیں ہو پا رہیں۔
انہوں نے انکشاف کیا کہ لگاتار کھانسی اور بخار کے باعث سمانتھا بولنے سے قاصر ہیں اور ممکنہ طور پر فلم کی اسکریننگ میں بھی شریک نہیں ہو پائیں گی۔
گناسیکر نے بتایا کہ اداکارہ سمانتھا اس وقت اپنے گھر پر ہیں ڈاکٹرز نے انہیں آرام کا مشورہ دیا ہے۔
واضح رہے کہ گزشتہ برس اداکارہ سمانتھا آٹوامیون کنڈیشن میوسیٹس کا شکار ہو گئی تھیں۔
یاد رہے کہ اداکارہ سمانتھا روتھ پربھو نے ساؤتھ انڈین اداکار ناگا چیتنیا سے 2017 میں شادی کی لیکن دونوں نے شادی کے چار سال بعد راہیں جدا کرلیں۔
انہوں نے ہدایت کار کرن جوہر کے پروگرام ’کافی ودھ کرن‘ میں گفتگو کرتے ہوئے کہا تھا کہ ’طلاق نے انہیں کافی مضبوط بنادیا ہے۔‘
سمانتھا پربھو نے 2010 میں فلم انڈسٹری میں بطور ہیروئن قدم رکھا، انہوں نے اس برس اپنے سابقہ شوہر ناگا چیتنیا کے ساتھ اداکاری کے جوہر دکھائے اور کئی ایوارڈز اپنے نام کیے۔
