کراچی: پاکستانی معروف اداکار سمیع خان نے اپنے مداحوں کو خوشخبری سناتے ہوئے کہا ہے کہ ان کے ہاں بیٹے کی پیدائش ہوئی ہے۔
اپنے انسٹاگرام پر اسٹوری شیئر کرتے ہوئے اداکار سمیع خان نے اپنے چاہنے والوں سے خوشی کی خبر شیئر کی کہ وہ بیٹے کے باپ بن گئے ہیں۔
سمیع خان نے اپنے معصوم بچے کے پیروں کی تصویر شیئر کی جس کے کیپشن میں تحریر تھا کہ ’ماشااللہ، الحمداللہ، میں ہمارے آنکھوں کے تارے شاہ میر خان کی آمد کا اعلان کرتے ہوئے بہت پُرجوش اور خوش ہوں‘۔
اداکار کی جانب سے اپنے چاہنے والوں سے دعاؤں میں یاد رکھنے کی درخواست بھی کی گئی، واضح رہے کہ سمیع خان نے اپنے صاحبزادے کا نام شاہ میر خان رکھا ہے۔
سمیع خان نے پاکستانی ڈرامہ انڈسٹری میں اپنی جاندار اداکاری سے نام کمایا، ان کے معروف ڈراموں میں،عشق زہے نصیب، سیراب، یار نہ بچھڑے، انکار اور ایسی ہے تنہائی شامل ہے۔
