پاکستانی فلم اور ڈرامہ انڈسٹری کی معروف اداکارہ صنم سعید ماضی کی ویڈیو شیئر کی جس نے مداحوں کو الجھن میں ڈال دیا ہے۔
فوٹو اور ویڈیو شیئرنگ ایپ انسٹاگرام پر صنم سعید نے سالِ نو کے موقع پر ویڈیو شیئر کی جس کے بعد سوشل میڈیا صارفین کی جانب سے یہ افواہیں گردش کررہی ہیں کہ اداکارہ نے محب مرزا کے ساتھ منگنی کرلی ہے۔
ویڈیو میں اداکارہ صنم سعید نے سال 2022 کے یاد گار لمحوں کو قید کیا ہے جس میں ہر طرف محب مرزا ان کے ساتھ نظر آرہے ہیں۔
View this post on Instagram
سوشل میڈیا صارفین ویڈیو دیکھ کر اندازہ لگا رہے ہیں کہ محب اور صنم عنقریب اپنی شادی کے حوالے سے اعلان کریں گے۔
کچھ مداحوں نے انہیں شادی کی مبارک باد بھی دینا شروع کردی۔
View this post on Instagram
یاد رہے کہ محب مرزا نے مزاحیہ پروگرام میں تصدیق کی تھی کہ وہ جلد دوسری شادی کرنے کا ارادہ رکھتے ہیں تاہم انہوں نے کسی اداکارہ کا نام نہیں بتایا تھا۔
محب مرزا کے اس بیان کے بعد ہی سوشل میڈیا پر افواہیں زیر گردش تھیں کہ وہ صنم سعید سے شادی کررہے ہیں تاہم اس حوالے سے دونوں اداکاروں کی جانب سے تاحال کوئی بیان سامنے نہیں آیا ہے۔
