اسلام آباد: وفاقی وزیر داخلہ رانا ثنا اللّٰہ نے سابق وفاقی وزیر شیریں مزاری کے خلاف قانونی کارروائی کرنے کا اعلان کیا ہے۔
وزیر داخلہ راناثنااللہ نے ٹوئٹ میں لکھا کہ ڈاکٹر شیریں مزاری کا بیان قابل مذمت اور لاقانونیت کی انتہا ہے، ان کے ٹوئٹ کو قانونی کارروائی کے لئے ایف آئی اے کو بھجوا دیا گیا ہے۔
ڈاکٹر شیریں مزاری کا بیان قابل مذمت اور لاقانونیت کی انتہا ہے، قانونی کارروائی کریں گے؛ کارروائی کے لئے ایف آئی اے کو بھجوا دیا گیا ہے افسران کے خلاف جھوٹ بول کر عوام کو اکسانا جرم ہے۔ سوشل میڈیا پر پولیس سمیت اداروں کے خلاف پراپیگنڈہ، جھوٹ، جعلی وڈیوز پر آپریشن کلین اپ کریں گے۔
— Rana SanaUllah Khan (@RanaSanaullahPK) March 20, 2023
وزیر داخلہ نے کہا کہ افسران کے خلاف جھوٹ بول کر عوام کو اکسانا جرم ہے، سوشل میڈیا پر پراپیگنڈہ، جھوٹ، جعلی وڈیوز پر آپریشن کلین اپ کرینگے، فرض شناس افسران اور پولیس کے خلاف دہشت پھیلانا اور عوام کو بھڑکانا جرم ہیں۔
انہوں نے مزید لکھا کہ اس جرم میں ملوث عناصر کے خلاف کارروائی کی ہدایت کر دی ہے، فارن ایجنٹ ریاست کے خلاف کھل کر سامنے آچکے ہیں، انجام کو پہنچائیں گے۔