یروشلم: اسرائیلی دارالحکومت میں بدھ کے روز مٹی کا شدید طوفان آیا جس کے بعد بارش اور ژالہ باری بھی ہوئی علوہ ازیں مصر کے دارالحکومت قائرہ میں بھی مٹی کا طوفان آیا۔
فرانسیسی خبررساں ادارے کے مطابق اسرائیل کے زیرمسلط یروشلم کے علاقے میں بدھ کے روز شمالی علاقوں سے اٹھنے والے مٹی کے طوفان نے چند منٹوں میں دارالحکومت کو اپنی لپیٹ میں لے لیا۔
مٹی کے شدید طوفان کے بعد طوفانی بارش اور برفباری بھی ہوئی جس کے بعد دریاؤں میں پانی کا بھاؤ بھی بڑھ گیا، محکمہ موسمیات کے مطابق بارش اور برفباری کا سلسلہ آئندہ چند روز تک جاری رہے گا۔
میڈیا رپورٹ کے مطابق شدید بارش کے باعث شہر میں ایمرجنسی اور اسپتالوں میں الرٹ جاری جبکہ تعلیمی اداروں کو بھی جلد بند کردیا گیا تھا، علاوہ ازیں سڑکوں پر تین فٹ سے زیادہ پانی کھڑا ہوگیا تھا۔
دوسری جانب مصر کے دارالحکومت قائرہ میں بھی بدھ کے روز مٹی کا طوفان آیا جس کے بعد حکومت نے الرٹ جاری کردیا جس میں شہریوں کو خبردار کیا گیا ہے کہ وہ بلا جواز گھروں سے باہر نہ نکلیں۔
In images: Cairo engulfed in a dust storm on Wednesday. Outside the capital, the storm has spread to Egypt’s Mediterranean coast, the Delta and the north of Upper Egypt, which have experienced heavy showers and strong winds. pic.twitter.com/ZDTkUCNvc3
— Mada Masr مدى مصر (@MadaMasr) January 16, 2019
الرٹ میں شہریوں سے کہا گیا ہے کہ وہ گاڑی چلاتے وقت لائٹ ضرور جلائیں، تمام سڑکوں اور شاہراؤں پر حد نگاہ صفر ہوگیا تھا۔
Sandstorm in Cairo today. Seriously no filter. 🌬🌬🌬 pic.twitter.com/aYuyW6DZEK
— Na3em (@ibnubashir4) January 16, 2019
مقامی میڈیا کے مطابق اشکول کے علاقے میں گاڑی کو حادثہ پیش آیا جس کے نتیجے میں دو شہری زخمی بھی ہوئے، محکمہ موسمیات نے جمعے تک مٹی کے طوفان کی پیش گوئی کی ہے۔
