سابق بھارتی ٹینس اسٹار ثانیہ مرزا نے حالیہ انسٹا پوسٹ میں اپنی اور بیٹے کی زندگی کے چند یاد گار لمحوں کو اپنے چاہنے والوں سے شیئر کیا۔
سابق بھارتی ٹینس اسٹار نے فوٹو اینڈ ویڈیو شیئرنگ پلیٹ فارم انسٹاگرام پر چند تصاویرشیئر کی ہیں، جس پر ان کے چاہنے والوں کی جانب سے کمنٹس کا سلسلہ جاری ہے۔
شیئر کی گئی تصاویر میں ثانیہ مرزا اور ان کے بیٹے کے علاوہ بھانجی، بہن اور والدہ بھی موجود ہیں، سابق ٹینس اسٹار کے مطابق ان کی زندگی ان افراد کے گرد گھومتی ہے۔
View this post on Instagram
سابق ٹینس اسٹار نے انسٹا پوسٹ کے کیپشن میں تحریر کیا کہ ’لمبی کہانی مختصراً‘۔
ویڈیوز اور تصاویر شیئر کرتے ہوئے سابق بھارتی ٹینس کھلاڑی نے اپنے چاہنے والوں کو آگاہ کیا کہ زندگی کے اُتار چڑھاؤ میں وہ اپنے بیٹے کی تعلیمی سرگرمیوں کے ساتھ ساتھ غیر نصابی سرگرمیوں کا بھی مکمل خیال رکھ رہی ہیں۔
ثانیہ مرزا کی نئی تصاویر مداحوں کو بھا گئیں
تصاویر میں ان کے بیٹے کو ڈرم بجاتے اور اسکیٹنگ کرتے بھی دیکھا جاسکتا ہے جبکہ ایک ویڈیو میں ان کی بھانجی دعا مرزا کو بھی دیکھ سکتے ہیں جو ان کے اور اذہان کے بہت زیادہ قریب ہے۔
