بھارتی ٹینس اسٹار اور معروف پاکستانی کرکٹر کی اہلیہ ثانیہ مرزا کی دلچسپ ویڈیو صارفین کے لئے تفریح کا سامان بن گئی۔
ثانیہ مرزا سوشل میڈیا پر گاہے بگاہے اپنی ویڈیو اور تصاویر شیئر کرتی رہتی ہیں اور صارفین سے خوب داد سمیٹتی ہیں، آج کل ان کی اردو اور انگریزی کے “سفر” پر ایک مزاحیہ ویڈیو کا خوب چرچا ہے جسے دیکھ کر سوشل میڈیا صارفین خوب محضوظ ہورہے ہیں۔
ویڈیو اور تصاویر شیئرنگ ایپ انسٹاگرام پر شیئر کی گئی ویڈیو کے کیپشن میں ثانیہ نے لکھا کہ جب لوگ آپ سے پوچھیں کہ ایک بچے اور 8 بیگز کے ساتھ سال میں 30 ہفتے سفر کرنا اور پروفیشنل ٹینس کھیلنا کیسا ہے؟
یہ بھی پڑھیں: ثانیہ مرزا کو شعیب ملک کی کون سی عادت پسند نہیں؟
جس پر بھارتی ٹینس اسٹار نے انگریزی سے ناواقف خاتون کی آواز پر لپ سنکنگ کرتے ہوئے کہا کہ “مجھے سفرنگ کا بہت شوق ہے، آئی لَو ٹو سفر، میں سفر کرکر کے ہی یہاں تک پہنچی ہوں، یہ بہت لَولی ہے، مے یو آل سفر۔”
ثانیہ مزرا کی اس ویڈیو پر دلچسپ تبصرے جاری ہیں، بھارتی ٹینس اسٹار روہن بوپنا نے بھی ثانیہ کی ویڈیو پر تبصرہ کیا کہ آپ کے لیے سفرنگ (تکلیف دہ) کا خواہش مند ہوں۔
View this post on Instagram
