کراچی : صوبائی وزیر تعلیم سندھ سردار علی شاہ کا کہنا ہے کہ ہم سارا ملبا بچوں پر ڈالتے ہیں کہ سرکاری اسکولز میں بچے نہیں پڑھتے، اساتذہ ہٹلر نہ بنیں ٹیچر بنیں۔
تفصیلات کے مطابق کراچی میں مقامی ہوٹل میں سندھ حکومت کی جانب تعلیم سے متعلق تقریب کا انعقاد کیا گیا۔
صوبائی وزیر تعلیم سندھ سردار علی شاہ نے تقریب سے خطاب کرتے ہوئے کہا کہ ہم انگریزی زبان کو کیوں اہمیت دیتے ہیں اپنی زبان بولنےکےبجائے انگریزی زبان بولنے پر فخر محسوس کرتے ہیں۔
سردار علی شاہ کا کہنا تھا کہ اس پروگرام میں کوئی انگریز نہیں بیٹھا، سب اردو زبان سمجھنے والے ہیں، ہم بچے کو یہ سکھاتے ہیں کہ بڑا انسان وہ ہے، جو پیسہ کمائے، کسی نے اسکولوں کو اون نہیں کیا، اسکولوں کو اوطاق بنا دیا جاتا ہے۔
صوبائی وزیر تعلیم نے کہا کہ ہم سارا ملبا بچوں پر ڈالتے ہیں کہ سرکاری اسکولز میں بچے نہیں پڑھتے، اساتذہ کو اپنا کردار ادا کرنا ہوگا، اساتذہ ہٹلر نہ بنیں وہ ٹیچر بنیں۔