The news is by your side.

Advertisement

بھائی نے بہن کو قتل کرکے گھر میں‌ دفنا دیا

سرگودھا: پنجاب کے شہر سرگودھا میں بھائی نے غیرت کے نام پر بہن کو قتل کرکے لاش گھر میں دفن کردی۔

اے آر وائی نیوز کی رپورٹ کے مطابق سرگودھا میں سفاک بھائی نے غیرت کے نام پر بہن کو قتل کردیا، پولیس نے ملزم کو گرفتار کرکے خاتون کی لاش گھر سے برآمد کرلی۔

پولیس ذرائع کے مطابق چنیوٹ کے رہائشی وسیم احمد نے تھانہ صدر پولیس کو اپنی بیوی نگہت پروین کی گمشدگی کی درخواست درج کروائی تھی۔

پولیس کا کہنا ہے کہ دوران تفتیش بھائی عبداللہ پر شک ہوا تو اسے شامل تفتیش کرلیا جس نے جرم کا اعتراف کرلیا۔

مزید پڑھیں: ناشتے میں چائے نہ دینے پر بھائی نے بہن کی جان لے لی

پولیس کے مطابق نگہت پروین کے بھائی عبداللہ ہاشم نے بتایا کہ اس کی بہن گزشتہ 8 برسوں سے ان کی بدنامی کا باعث بن رہی تھی کیونکہ وہ اب تک اپنی پسند کی6شادیاں کرچکی تھی جس کی وجہ سے گاؤں کے لوگ بھی اس کی بہن کے کردار کی وجہ سے ان سب کو اچھا نہیں سمجھتے تھے۔

ملزم نے پولیس کو دئیے گئے بیان میں بتایا کہ بہن کے کردار پر شک تھا اس لیے غیرت کے نام پر اسے قتل کیا، پولیس نے ملزم کی نشاندہی پر کمرے سے قبر کھود کر خاتون کی لاش برآمد کرلی۔

پولیس کا کہنا ہے کہ ملزم کے خلاف قتل کی دفعات کے تحت مقدمہ درج کرلیا گیا ہے، ملزم کو عدالت میں پیش کرکے مزید ریمانڈ حاصل کیا جائے گا۔

Comments

یہ بھی پڑھیں