The news is by your side.

سعودی عرب: ابشر پر نئی خدمات کے حوالے سے اہم معلومات

سعودی وزیر داخلہ نے سعودی شہریوں اور مقیم غیر ملکیوں کے لیے ابشر پر نئی خدمات کے اجرا کا افتتاح کیا ہے۔

سعودی میڈیا کے مطابق سعودی وزیر داخلہ کے سیکرٹیری برائے شخصی احوال جنزل سلیمان بن عبدالعزیز الیحیی نے اپنے ملک کے شہریوں اور غیر ملکیوں کے لیے ابشر پر نئی خدمات کے اجرا کا افتتاح کیا ہے۔

سبق ویب سائٹ کے مطابق نئی خدمات میں سعودی شہریوں کے لیے گمشدہ شناختی کارڈ کے متبادل کا اجرا بھی شامل ہے۔

جنرل سلمان بن عبدالعزیز الیحیی نے بتایا کہ ’ نئی خدمات میں گمشدہ دستاویزات گھر تک پہنچانے کے علاوہ شہریوں اور مقیم غیر ملکیوں کے بچوں کے اندارج اور دستاویزات کی ترسیل شامل ہے‘۔

عبدالعزیز الیحیی کا کہنا تھا کہ ’شخصی احوال کے متعلق تمام امور آن لائن انجام دیئے جاسکتے ہیں اور دستاویزات کی ترسیل سے فایدہ بھی اٹھایا جاسکتا ہے۔

جنرل سلمان بن عبدالعزیز الیحیی نے مزید کہا ہے کہ شخصی احوال سے متعلق تمام امور انجام دینے کے لیے دفتر آنے کی ضرورت نہیں رہی۔

Comments

یہ بھی پڑھیں