سعودی عرب میں نیا سیاحتی مقام

سعودی عرب میں نیا سیاحتی مقام 2026 تک فعال ہوجائے گا۔

ہاسپیٹلٹی فرم سیرا گروپ کے نائب صدر فہد العبیلان کے مطابق ٹورازم ڈویلپمنٹ فنڈ کے تعاون سے الباحہ میں ریزورٹ 2026 تک فعال ہو جائے گا۔

سعودی دارلحکومت ریاض میں ورلڈ ٹریول اینڈ ٹورازم کونسل گلوبل سمٹ کے موقع پر عرب نیوز کے ساتھ ایک انٹرویو میں سیرا گروپ کے نائب صدر فہد العبیلان نے بتایا کہ کمپنی کو ٹورازم ڈویلپمنٹ فنڈ سے اس منصوبے کے لیے 136 ملین ڈالر موصول ہوئے ہیں۔

انہوں نے بتایا کہ سعودی عرب 2030 تک ایک اعلیٰ درجہ کا سیاحتی مقام بننے جا رہا ہے جو سالانہ 100 ملین سے زائد سیاحوں کو اپنی طرف راغب کرے گا۔

فہد العبیلان نے کہا کہ ہم الباحہ میں ایک ریزورٹ تیار کر رہے ہیں جس میں ریٹیل لینڈ مارک کے ساتھ ساتھ ایکٹیویشن سینٹر بھی قائم کیا جائے گا۔

Comments