The news is by your side.

Advertisement

سعودی عرب : رمضان میں افطاری کا روح پرور اہتمام، مگر کیسے؟

ریاض : ہر سال ماہ رمضان کی طرح اس سال بھی سعودی عرب میں افطار اجتماعات کا خصوصی اہتمام کیا جائے گا جس کیلئے سعودی حکام کی جانب سے اہم ہدایات جاری کی گئی ہیں۔

اس حوالے سے وزارت ہیومن ریسورسز نے کہا ہے کہ جو افراد اور خیراتی ادارے اجتماعی افطار کیمپ لگانا چاہتے ہیں ان کے لیے محکمہ شہری دفاع سے اجازت نامہ لینا ضروری ہے۔

سعودی ذرائع ابلاغ کے مطابق متعلقہ وزارت نے کہا ہے کہ افطار کیمپ کے لیے روایتی خیموں کی جگہ فائر پروف خیمے لگانا ضروری ہے۔

ترجمان وزارت نے کہا ہے کہ افطار کیمپ میں سلامتی کے تقاضوں کا خاص خیال رکھا جائے گا، افطار کیمپ کے باہر انتظامیہ کا نام اور اجازت نامہ آویزاں کرنا ضروری ہے۔

ہیومن ریسورسز عہدیدار کا کہنا ہے کہ ہم افطار کیمپ لگانے والے اداروں کو مشورہ دیں گے کہ اجتماعی افطار شادی ہالز یا ایسی دیگر تقریبات بڑے اور کشادہ مقامات میں کی جائیں۔

سعودی وزارت کے ترجمان نے کہا ہے کہ مسجدوں میں افطار دسترخوان لگانے والوں کے لیے مشورہ ہے کہ جہاں تک ممکن ہوسکے اسے مسجد کے باہر رکھا جائے اس کی وجہ یہ ہے کہ مسجد کے اندر دسترخوان لگانے سے کھانے کی بو پھیل سکتی ہے۔

Comments

یہ بھی پڑھیں