The news is by your side.

Advertisement

سعودی عرب آنے والے غیر ملکیوں کے لیے اہم خبر

ریاض : بحرین سے سمندر کے راستے بذریعہ کنگ فہد پل سعودی عرب آنے والوں کیلئے سعودی حکومت نے اہم ہدایت جاری کی ہے، جس کے تحت خاص موبائل ایپ کا استعمال لازمی کرنا ہوگا۔

تفصیلات کے مطابق سعودی عرب اور بحرین کو سمندر کے راستے جوڑنے والے کنگ فہد پل کی انتظامیہ نے بحرین سے سعودی عرب آنے والوں کے لیے مؤثر ایپ متعین کردی۔

سعودی ذرائع ابلاغ کے مطابق سعودی عرب آنے والوں کے لیے نئے صحت اقدامات طے کیے گئے ہیں،اسی ضمن میں یہ فیصلہ کیا گیا ہے۔ کنگ فہد پل کے ترجمان کا کہنا ہے کہ “مجتمع واعی” نامی الیکٹرونک پروگرام ہی قابل قبول ہوگا۔

کنگ فہد پل انتظامیہ نے اس سے قبل اطلاع دی تھی کہ بحرین نے اپنے یہاں آنے کے لیے22 فروری2021 پیر سے بری، بحری اور فضائی تمام راستے کھولنے کا فیصلہ کرلیا گیا ہے۔

بحرین حکومت  نے کورونا کے پھیلاؤ  کے پیش نظر یہ فیصلہ کیا ہے کہ جو لوگ اس کے یہاں آئیں گے انہیں اپنی آمد کے پانچ روز بعد ایک اور کورونا وائرس ٹیسٹ کرانا ہوگا۔

بحرینی حکام نے کورونا  ٹیسٹ فیس کم کرکے 36 دینار کر دی ہے،22 فروری سے بحرین کے لیے بری، بحری اور فضائی تمام راستے کھل جائیں گے۔

Comments

یہ بھی پڑھیں