الخبر : سعودی عرب میں ایک عمارت کی کار پارکنگ اچانک زمین بوس ہوگئی، جس کے نتیجے میں پارکنگ میں کھڑی گاڑیاں تباہ ہوگئیں، حادثے میں ایک شخص معجزانہ طور پر محفوظ رہا۔
تفصیلات کے مطابق سعودی عرب میں مشرقی ریجن کے شہر الخبر کے مشہور عمارت کی کار پارکنگ اچانک منہدم ہوگئی تاہم ایک شخص کو مرنے سے بچا لیا گیا۔
شہری دفاع کے حکام کے حوالے سے بتایا گیا ہے کہ زمین دھنسنے سے کار پارکنگ منہدم ہوگئی تھی، پارکنگ کے انہدام کے مناظر سوشل میڈیا پر بھی وائرل ہوگئے تھے۔
سعودی ذرائع ابلاغ کے مطابق وائرل وڈیو میں دیکھا جاسکتا ہے کہ متعدد گاڑیاں پارکنگ میں کھڑی نظر آرہی ہیں جبکہ ایک شخص پارکنگ کے زینے سے سیڑھیاں اتر رہا ہے۔
فيديو مثير متداول لنجاة موظف من #انهيار_أرضي في مواقف برج #الخبر#الإخبارية pic.twitter.com/DCPaJLhdVf
— قناة الإخبارية (@alekhbariyatv) October 18, 2020
پارکنگ کے اچانک منہدم ہو جانے سے ایک حصہ گرگیا جبکہ ایک شخص جو پارکنگ کے زینے پر موجود تھا محفوظ رہا اور وہیں کھڑا رہا۔
سعودی عرب کے ایک نجی چینل نے پارکنگ کے ملبے میں پھنسے شخص کو نکالے جانے کا منظر نشر کیا ہے جس میں امدادی کارکنان اور سکیورٹی اہلکار متاثرہ شخص کو اسٹریچر پر ڈال کر اسپتال لے جاتے ہوئے دیکھے جا سکتے ہیں۔