سعودی عرب کے حکام کی جانب سے ”ایجوکیشن ویزا“ کے اجراء سے متعلق کچھ نئی اور مفید معلومات فراہم کی گئی ہیں۔
بین الاقوامی خبر رساں ادارے کی رپورٹ کے مطابق ایجوکیشنل ویزا پروگرام کے سربراہ ڈاکٹر سامی الحیسونی نے بتایا کہ ’سعودی عرب میں 70 ہزاربین الاقوامی طلبہ تعلیم حاصل کررہے ہیں، طویل المدتی تعلیمی ویزے پر آنے والے جز وقتی ملازمت کر سکیں گے۔‘
ایجوکیشنل ویزا پروگرام کے سربراہ ڈاکٹر سامی الحیسونی کا کہنا تھا کہ ایجوکیشنل ویزا انیشیٹو مملکت کے وژن 2030 کے اہداف میں شامل ہے جو افرادی صلاحیتوں کی افزائش پروگرام کا حصہ ہے جس کے ذریعہ سعودی جامعات کی درجہ بندی بہتر طور پر ہوگی اور تعلیمی میدان میں مسابقت بڑھے گی۔
انہوں نے کہا کہ وزارت خارجہ کی ویزا سروس اور“اسٹڈی ان سعودی عربیہ”پورٹل کے درمیان شراکت داری نے تعلیمی ویزوں کا اجرا آسان اور سہل بنادیا ہے۔
الحیسونی کا مزیدکہنا تھا کہ اسٹڈی ان سعودی عربیہ پورٹل پرمختلف تعلیمی پروگرامزاور جامعات کی تفصیلات پہلے سے ہی موجود ہیں، جن کے ذریعے امیدوار اپنے لیے مطلوبہ پروگرام کا انتخاب باسانی کرسکتے ہیں۔
عازمین عمرہ کیلئے بڑی خوشخبری
یاد رہے کہ ایجوکیشنل ویزے کے حصول کے لیے طالب علم کی عمر کم از کم 16 سال ہونی چاہیے جبکہ ویزے کے حصول کے لیے سعودی عرب کے کسی تعلیمی ادارے میں داخلہ بھی ضروری ہے۔
