ریاض : سعودی عرب نے عید الاضحیٰ کی تعطیلات کا اعلان کردیا۔ جوازات کے دفاتر میں اتوار سے جمعرات تک صبح 8 سے سہ پہر 2 بجے تک کام ہوگا۔
تفصیلات کے مطابق سعودی محکمہ پاسپورٹ اینڈ امیگریشن جوازات کی جانب سے عیدالاضحی کی تعطیلات میں اوقات کارجاری کیے گئے ہیں۔
سعودی ذرائع ابلاغ کے مطابق مملکت کے تمام ریجنز میں جوازات کے دفاتر میں اتوار سے جمعرات تک صبح 8سے سہ پہر 2 بجے تک کام ہوگا۔
ریاض اور مکہ مکرمہ میں قائم جوازات کے ذیلی دفاتر جو مختلف مالزمیں ہیں وہاں اوقات کار شام کے رکھے گئے ہیں۔
ریاض ریجن میں الخرج کمشنری کے روشن مال اور "حی الرمال” میں جوازات کے ذیلی اداروں میں سہ پہر 4 سے رات 9 بجے تک کام ہوگا۔
مکہ ریجن میں جوازات کے ذیلی دفاتر جوکہ مختلف مالزجن میں ریڈ سی مال، صیرفی مال اورتحلیہ مال شامل ہیں کے اوقات کار شام 5 سے رات 10 بجے ہیں۔
جوازات کا کہنا ہے کہ ادارے سے رجوع کرنے والوں کے لیے لازمی ہے کہ وہ ابشر پورٹل کے ذریعے وقت حاصل کریں اورمقررہ وقت پرجوازات کے مطلوبہ دفتر سے رجوع کریں۔
