The news is by your side.

Advertisement

سعودی عرب: ماسک نہ لگانے پر جرمانے میں بڑا اضافہ

ریاض: سعودی عرب میں صحت حکام نے فیس ماسک نہ پہننے پر جرمانے میں بڑا اضافہ کر دیا ہے۔

تفصیلات کے مطابق سعودی عرب کی حکومت نے کرونا کا پھیلاؤ روکنے کے لیے جرمانے بڑھانے کا فیصلہ کر لیا ہے، فیس ماسک کے استعمال کو از سرنو متعارف کراتے ہوئے حکام نے خبردار کیا ہے کہ ماسک نہ لگانے والوں پر کم از کم 1000 ریال جرمانہ عائد کیا جائے گا۔

سعودی وزارت داخلہ کے مطابق عوامی مقامات پر جو شہری بغیر ماسک کے نظر آئیں گے ان پر ایک ہزار سعودی ریال جرمانہ عائد کیا جائے گا، پاکستانی کرنسی میں یہ رقم 50 ہزار روپے کے قریب بنتی ہے۔

حکام کے مطابق ماسک کی دوبارہ خلاف ورزی زیادہ نقصان دہ ثابت ہوگی، اور دوسری بار ماسک نہ پہننے پر جرمانہ دگنا کر دیا جائے گا اور یوں یہ جرمانہ ایک لاکھ ریال تک جا سکتا ہے۔

سعودی وزارت داخلہ کے مطابق پورے ملک میں تمام بند اور کھلے مقامات پر ماسک پہننے اور سماجی فاصلے کے ایس او پیز پر عمل ضروری ہے، وزارت کے فیصلے پر عمل کرتے ہوئے حرمین شریفین سمیت تمام تجارتی اداروں میں ماسک اور سماجی فاصلے کی پابندی پر عمل در آمد شروع کر دیا گیا ہے۔

Comments

یہ بھی پڑھیں