ریاض : سعودی عرب میں حسن قرات کا بڑا مقابلہ ایرانی قاری نے جیت لیا جبکہ خوبصورت اذان کا پہلا انعام سعودی شہری محمد آل الشریف نے حاصل کیا۔
سعودی ذرائع ابلاغ کے مطابق سعودی عرب میں ہونے والا حسن قرات کا دنیا کا سب سے بڑا مقابلہ ایرانی قاری یونس شاہ مرادی نے جیت لیا۔
سعودی جنرل اتھارٹی فار انٹرٹینمنٹ کے زیر اہتمام سعودی عرب میں دنیا کے سب سے بڑے قرات اور اذان کے بین الاقوامی مقابلے "عطر الکلام” (کلام کی خوشبو) کا انعقاد کیا گیا۔
ادارے کے بورڈ آف ڈائریکٹرز کے چیئرمین کونسلر ترکی آل الشیخ نے عطر الکلام پروگرام کی آخری قسط میں 20 فاتحین کو انعامات سے نوازا۔
تلاوت کی کیٹیگری میں پہلا انعام 30 لاکھ سعودی ریال ( 23 کروڑ روپے) تھا جو ایران کے یونس شاہ مرادی نے حاصل کرلیا۔
The Iranian reciter Younes Shahmoradi won the first place in the Saudi Quranic contest Etr al-Kalam. He was praised as the treasure of cosmic and divine secrets in melody and the Khalifa of the known Egyptian Quran reciter, Muhammad Rifatpic.twitter.com/srOrTI2ugC
— ✨Mina✨ (@lionne998) April 8, 2023
اذان کیٹگری میں سعودی عرب کے محمد آل شریف سب سے آگے نکل گئے اور 20 لاکھ ریال انعام کے حقدار ٹھہرے۔
حسن قرات میں سعودی عرب کے عبد العزیز الفقیہ نے دوسری پوزیشن حاصل کرکے 20 لاکھ ریال اور مراکش کے زکریا الزریک نے تیسری پوزیشن لے کر 10 لاکھ ریال انعام اپنے نام کیا، مراکش کے ہی عبد اللہ الدغری نے چوتھی پوزیشن پر آکر 7 لاکھ ریال انعام پایا۔
مقامی میڈیا کے مطابق اذان اور قرات کا مقابلہ "عطر الکلام” نے گنیز بک آف ورلڈ ریکارڈ میں چھ اعزاز اپنے نام کیے۔ قرات کے مقابلے میں بڑی تعداد میں شریک ممالک کے حوالے سے یہ پہلا مسابقہ ہے جسے گنیز بک آف ورلڈ ریکارڈ میں شامل کیا گیا۔
