The news is by your side.

Advertisement

سعودی عرب: مقامی فوجی صنعت کو فروغ دینے کا بڑا منصوبہ

ریاض: سعودی عرب مقامی فوجی صنعت کو فروغ دینے کا بڑا منصوبہ لے آیا، مملکت اس سلسلے میں 20 ارب ڈالر کی سرمایہ کاری کا منصوبہ رکھتا ہے۔

عرب میڈیا کے مطابق سعودی عرب مقامی فوجی صنعت کو فروغ دینے کے منصوبے کے تحت آئندہ 10 برس کے دوران 20 ارب ڈالر کی سرمایہ کاری کرے گا۔

فوجی صنعت کے ریگولیٹر کے سربراہ نے ہفتے کو بتایا کہ سعودی عرب مقامی فوجی صنعت کو ترقی دینا اور اس کے ذریعے ہتھیار بنانا چاہتا ہے، اس مقصد کے لیے 2030 تک فوجی بجٹ کا 50 فی صد مقامی طور پر خرچ کیا جائے گا۔

سعودی عرب: پانچ بڑے بکتر بند یونٹ والے ممالک میں شامل

دبئی میں دفاعی کانفرنس میں خطاب کرتے ہوئے فوجی صنعتوں کی جنرل اتھارٹی (جی اے ایم آئی) کے گورنر عبدالعزیز العوھلی نے کہا کہ حکومت نے ایک منصوبہ تیار کیا ہے جس کے تحت آئندہ 10 برس کے دوران 10 ارب ڈالر سے زائد رقم سے مقامی فوجی صنعت میں سرمایہ کاری کی جائے گی۔

گورنر عبدالعزیز العوھلی نے کہا اتنی ہی رقم مقامی فوجی صنعت میں تحقیق و ترقی کے لیے مختص کی جائے گی۔ واضح رہے کہ سعودی منصوبے کے تحت 2030 تک فوجی تحقیق و ترقی کا بجٹ 0.2 فی صد سے بڑھا کر 4 فی صد تک کیا جائے گا۔

Comments

یہ بھی پڑھیں