The news is by your side.

Advertisement

سعودی عرب : لاک ڈاؤن کے حوالے سے شہریوں کے لئے اہم ہدایت

ریاض : سعودی حکومت نے واضح کیا ہے کہ قانون نافذ کرنے والے ادارے کے اہلکاروں سے کسی قسم کی دست درازی جرم ہے ملزم کیخلاف قانون کے مطابق سخت کارروائی کی جائے گی۔

تفصیلات کے مطابق سعودی پراسیکیوشن جنرل نے عوام کی آگاہی کیلئے ایک بار پھر واضح کیا ہے کہ قانون نافذ کرنے والے ادارے کے اہلکاروں سے دست درازی کرنا یا سیکیورٹی اہلکار کی گاڑی کو نقصان پہنچانا قابل دست اندازی جرم ہے جس پر ملزم کو گرفتارکیا جاسکتا ہے مزید اس کیخلاف مقدمہ درج کرکے سخت سزا تجویز کی جائے گی۔

سماجی رابطے کی ویب سائٹ ٹوئٹر پر اپنے ایک پیغام میں پراسیکیوشن جنرل نے بتایا کہ قانون کے مطابق پولیس اہلکاروں سے بدکلامی یا دست اندازی کرنے والے کے خلاف سخت قانون رائج ہے، ایسا کرنے والے کے خلاف پراسیکیوشن کی جانب سے سخت سزا تجویز کی گئی ہے۔

سعودی قانون کے مطابق کسی بھی پولیس اہلکار کو جب وہ سرکاری فرائض ادا کررہا ہو اس سے دست درازی کرنا یا اہلکار کی گاڑی و آلات کو نقصان پہنچانے والے کو گرفتار کر کے اس پر مقدمہ قائم کیا جاتا ہے۔ ٹویٹر پیغام میں مزید کہا گیا ہے کہ پولیس اہلکاروں کے زیر استعمال اشیاء کو نقصان پہنچانے والے پر بھی قانون کی شق26کا نفاذ ہوگا۔

Comments

یہ بھی پڑھیں