سعودی وزیرخارجہ شہزادہ فیصل بن فرحان کا تاریخی دورہ مقبوضہ مغربی کنارہ متوقع ہے۔
عرب میڈیا کے مطابق سعودی وزیر خارجہ آئندہ دنوں میں فلسطین کے مقبوضہ علاقوں کا دورہ کر سکتے ہیں جس میں وہ فلسطینی صدر محمود عباس اور دیگر حکام سے ملاقات کریں گے۔
سعودی وزیر خارجہ کے ساتھ مصر اور اردن سمیت دیگر عرب ممالک کے وزرا بھی وفد کا حصہ ہوں گے۔
1967 کے بعد سے یہ کسی بھی اعلیٰ سعودی عہدیدار کا پہلا دورہ ہو گا۔
ریاض میں فلسطینی سفیر، مازن غونیم کے مطابق، اعلیٰ سعودی سفارت کار ایک عرب وفد کی قیادت کریں گے جو اپنے ایک روزہ دورے کے دوران فلسطینی صدر محمود عباس اور فلسطینی اتھارٹیز (PA) کے دیگر حکام سے ملاقات کرے گا۔
