The news is by your side.

Advertisement

قبرص کی آئینی حیثیت اور اس کی خود مختاری کی حمایت کرتے ہیں، سعودی عرب

ریاض: سعودی عرب نے کہا ہے کہ قبرص کی آئینی حیثیت اور اس کی خود مختاری کی حمایت کرتے ہیں۔

تفصیلات کے مطابق سعودی عرب کے وزیرخارجہ ڈاکٹر ابراہیم العساف کا کہنا ہے کہ قبرص کے مسئلے کو دونوں فریق پرامن طریقے سے حل کرنے کی کوشش کریں گے۔

غیر ملکی خبر رساں ادارے کے مطابق قبرص کے دورے کے موقع پر ایک پریس کانفرنس سے خطاب میں ڈاکٹر العساف کا کہنا تھا کہ ہم قبرص کی مدد جاری رکھیں گے۔

انہوں نے کہا کہ سعودی عرب اور قبرص دونوں کی تاریخ میں کئی عناصر ایسے ہیں جو دونوں ملکوں کی قربت کا ذریعہ ہیں، قبرص عرب دنیا کے ساتھ مربوط ہے اور عرب ممالک اور قبرص دونوں ایک دوسرے کے اقتصادی فواید اور مواقع سے استفادہ کرسکتے ہیں۔

خیال رہے کہ کسی سعودی وزیر کا یہ قبرص کا اپنی نوعیت کا پہلا دورہ ہے۔ ایک سوال کے جواب میں سعودی عرب کے وزیر خارجہ کا کہنا تھا کہ مجھے قبرص کے صدر اور پارلیمنٹ کے اسپیکر سے ملاقات اور دوطرفہ امور پرتفصیلی تبادلہ خیال کا موقع ملا ہے۔

وزیرخارجہ ڈاکٹر ابراہیم العساف کے گذشتہ روز قبرص پہنچنے پر قبرص کے صدرنیکوس اناساٹسیاڈس کے درمیان صدارتی محل میں تفصیلی ملاقات ہوئی۔

Comments

comments

یہ بھی پڑھیں