ریاض: سعودی عرب میں چھوٹے اور درمیانے سائز کے کاروباری اداروں میں 15 فی صد اضافہ ہو گیا ہے۔
تفصیلات کے مطابق سعودی پبلک اتھارٹی ’منشآت‘ نے چھوٹے اور درمیان درجے کے کاروباری اداروں سے متعلق رواں سال کی پہلی سہ ماہی کی رپورٹ جاری کر دی ہے۔
رپورٹ میں کہا گیا کہ چھوٹے اور درمیانے سائز کے کاروباری اداروں کی تعداد 7 لاکھ 52 ہزار 560 تک پہنچ گئی ہے، الاقتصادیہ کے مطابق یہ اضافہ 2021 کی پہلی سہ ماہی کے مقابلے میں 15 فی صد اضافے کو ظاہر کرتے ہیں۔
چھوٹے اور درمیانے سائز کے ثقافتی، تفریحی اور اسپورٹس اداروں کی سالانہ اوسط آمدنی 2.4 ملین ریال ریکارڈ کی گئی، ایس ایم ایز کو کفالہ پروگرام کے تحت 64.6 ارب ریال کے فنڈز ملے، انھیں فنڈنگ گیٹ کے ذریعے 23.2 ارب ریال کی فنڈنگ سہولتیں بھی ملیں۔
رپورٹ کے مطابق تعمیرات کے شعبے میں چھوٹے اور درمیانے سائز کے وہ ادارے جو ریٹیل اور تھوک کے کاروبار سے منسلک ہیں اور کھانے پینے کی اشیا کی تجارت کر رہے ہیں، انھیں سب سے زیادہ فنڈز ملے۔
دوسرے نمبر پر رینٹ اے سیکٹر والے اداروں کو زیادہ فنڈز ملے، جب کہ 64 ہزار سے زیادہ کاروباری اداروں کو سو ارب ریال سے زیادہ کی فنڈنگ کی سہولت ملی ہے۔
