ریاض: اب سعودی عرب میں وزٹ ویزے پر آنے والے افراد بھی ڈرائیونگ کے لیے این او سی حاصل کر سکتے ہیں۔
سبق نیوز کے مطابق سعودی عرب میں ادارہ امن عامہ کی جانب سے وزٹ ویزے پرآنے والے زائرین کو ڈرائیونگ کے لیے این او سی جاری کرنے کی سہولت ’ابشر اعمال‘ پرفراہم کر دی گئی ہے۔
رپورٹ کے مطابق رینٹ اے کار سروس کی کمپنیوں کو ابشر اعمال کے ذریعے خصوصی این او سی جاری کرنے کی اجازت دی گئی ہے۔
ادارہ امن عامہ کے مطابق وزٹ ویزے پر مملکت آنے والے ایسے زائرین جن کے پاس مملکت کے لیے منظورشدہ کارآمد انٹرنیشنل ڈرائیونگ لائسنس ہے، انھیں ادارہ ٹریفک پولیس سے رجوع کیے بغیر، مملکت میں گاڑی چلانے کے لیے خصوصی این او سی جاری کیا جا سکتا ہے۔
تھائی یونیورسٹی نے سعودی ولئ عہد کو اہم اعزاز دے دیا
مملکت آنے والے زائرین کو جاری کیا جانے والا این او سی ’رینٹ اے کار‘ سروس والی کمپنیوں کے ’ابشر اعمال‘ پلیٹ فارم سے جاری کیا جاتا ہے، جس کے لیے زائرین کے پاسپورٹ پر درج امیگریشن نمبر کو رجسٹرڈ کیا جائے گا۔
ڈرائیونگ کے لیے فراہم کیے جانے والے این او سی کی سہولت قطر میں ہونے والے ورلڈ کپ کے لیے آنے والے زائرین کو بھی دی جائے گی۔
