The news is by your side.

Advertisement

سعودی عرب: سخت کرفیو کے سائے میں شادی کی انوکھی تقریب

ریاض: سعودی عرب میں کروناوائرس کے پیش نظر نافذ العمل سخت کرفیو کے سائے میں دلہا دلہن رشتہ ازدواج میں منسلک ہوگئے۔

عرب میڈیا کی رپورٹ کے مطابق جوڑے اور ان کے خاندان نے کروناوائرس کے پیش نظر شادی کی تقریب انتہائی سادہ رکھی جس میں دلہا دلہن اور اہل خانہ شریک ہوئے۔

جوڑے کا نکاح عصر کے وقت ہوا اور بعد از مغرب رختصی ہوئی۔ البتہ خاندان کے افراد نے عزم ظاہر کیا ہے کہ مملکت میں کروناوائرس پرقابو پایا گیا تو بڑے پیمانے پر ولیمے کی تقریب منعقد کی جائے گی۔

رپورٹ میں کہا گیا ہے کہ شادی کی تقریب سعودی عرب کے علاقے کمشنری تیما میں ہوئی۔ مقامی میڈیا سے گفتگو کرتے ہوئے دلہے کا کہنا تھا کہ حالات کی سنگینی کو دیکھتے ہوئے تقریب میں سادگی اختیار کی گئی۔

کروناوائرس : سعودی وزیر صحت کا مقامی و غیرملکی شہریوں کیلئے بڑا اعلان

انہوں نے کہا کہ ایسی شادی ہماری روایتوں کے خلاف ہے لیکن کرفیو کا پاس رکھتے ہوئے ہم نے حکومت کا حکم مانا، تقریب میں صرف 10 افراد شریک ہوئے، مشکل گھڑی میں ہم اپنی حکومت کے ساتھ ہیں۔

خیال رہے کہ سعودی حکام نے شہریوں و غیر ملکیوں کی آسانی کےلیے آن لائن علاج کی سہولت مہیا کردی ہے۔ وزیر صحت ڈاکٹر توفیق نے بتایا کہ مقامی و غیر ملکی افراد اپیلی کیشن اناۃ کے ذریعے اپنا نسخہ حاصل کرسکتے ہیں۔

fb-share-icon0
Tweet 20

Comments

comments

یہ بھی پڑھیں