The news is by your side.

Advertisement

ایران نے اگر جنگ کی راہ اختیار کی تو سعودی عرب بھرپور جواب دے گا: عادل الجبیر

ریاض: سعودی وزیرمملکت برائے خارجہ عادل الجبیر کا کہنا ہے کہ ایران نے اگر جنگ کی راہ اختیار کی تو سعودی عرب بھرپور جواب دے گا۔

تفصیلات کے مطابق سعودی عرب کے وزیرممکت برائے امور خارجہ عادل الجبیر نے ایرانی حکام کو خبردار کیا کہ سعودی عرب خطے میں جنگ نہیں چاہتا لیکن کسی بھی قسم کی جارحیت کی گئی تو ایران کو منہ توڑ جواب دیں گے۔

ملکی دارالحکومت ریاض میں میڈیا سے گفتگو کرتے ہوئے ان کا کہنا تھا کہ ایران کا مشرقی وسطیٰ میں امن کے قیام کے لیے کوئی کردار نہیں، بلکہ دہشت گردی کو فروغ دے رہا ہے۔

سعودی حکام نے عالمی اداروں سے بھی مطالبہ کیا ہے کہ وہ ایران کی تخریب کاری اور دہشت گردی کے فروغ دینے والی پالیسی کے خلاف کارروائی کرے۔

خلیج ممالک اور پورا مشرق وسطیٰ اس وقت سخت کشیدگی کی لپیٹ میں ہے، امریکا اور ایران کے درمیان جاری کشیدگی نے خطے میں ایک نئی جنگ کی کیفیت پیدا کردی ہے۔

دوسری جانب سعودی فرمانروا شاہ سلمان بن عبدالعزیز نے خطے کی تازہ صورت حال کے تناظر اور خلیج کو درپیش خطرات کے تدارک کے لیے خلیج تعاون کونسل اور عرب لیگ کا اجلاس طلب کرلیا ہے۔

شاہ سلمان نے خلیج کونسل اور عرب لیگ کے ہنگامی اجلاس طلب کرلیے

یاد رہے کہ چند روز قبل متحدہ عرب امارات کی الفجیرہ بندرگاہ کے قریب دو سعودی، ایک اماراتی اور ایک نارویجن بحری جہاز پر حملے کیے گئے تھے، اس کے بعد سعودی عرب میں تیل پائپ لائنوں کو اڑانے کے لیے ڈرون سے حملہ کیا گیا تھا۔

Comments

comments

یہ بھی پڑھیں