ریاض: سعودی عرب نے جنیوا میں نئے منصوبوں کے لیے متعدد ایوارڈز جیت لیے ہیں۔
عرب نیوز کے مطابق سعودی عرب نے جنیوا میں منعقد ہونے والے انفارمیشن سوسائٹی فورم کے عالمی سربراہی اجلاس میں اپنے نئے منصوبوں کے لیے متعدد ایوارڈز حاصل کیے ہیں۔
سعودی پریس ایجنسی کی رپورٹ کے مطابق مملکت نے ڈیجیٹل انوائرمنٹ اور الیکٹرانک سروسز کیٹیگری میں سمٹ پرائز اور عالمی سطح پر پہلی پوزیشن حاصل کی، جو عالمی سربراہی اجلاس میں ایک نیا عالمی اعزاز ہے۔
ڈیجیٹل ٹرانسفارمیشن کے ڈائریکٹر جنرل عبدالحمید العلیوی نے کہا کہ سعودی عرب کا ارلی وارننگ سسٹم ڈویلپمنٹ پروجیکٹ 3 کوالیفائنگ مراحل سے گزرا اور اس نے 109 سے زیادہ ممالک سے مقابلہ کیا۔
سعودی عرب نے وزارت بلدیات اور دیہی امور بلادی پلیٹ فارم اور ڈیجیٹل سٹی پلیٹ فارم کے منصوبوں پر بھی سرٹیفکیٹ حاصل کیے۔
مملکت نے سعودی ڈیٹا اینڈ آرٹیفیشل انٹیلی جنس اتھارٹی کے ذریعے نیشنل ڈیٹا بینک، یونیورسٹی آف حائل کا نیا ای لرننگ پلیٹ فارم اور نجی شعبے کی جانب سے پیش کردہ حبکہ پروجیکٹ حاصل کیا۔
ان الگ الگ نئے منصوبوں میں سعودی عرب کی کامیابی نے مملکت کے مجموعی سرٹیفیکیٹس آف ایکسیلنس کی تعداد 35 تک پہنچا دی ہے۔
