ریاض: سعودی عرب کی 6 مختصر فلمیں نیٹ فلکس پر پیش کی جائیں گی، مذکورہ فلمیں بین الاقوامی ایوارڈز بھی حاصل کر چکی ہیں۔
سعودی ویب سائٹ کے مطابق بین الاقوامی ویڈیو اسٹریمنگ کمپنی نیٹ فلکس نے کہا ہے کہ بہت جلد 6 سعودی شارٹ فلمیں نیٹ فلکس پر پیش کی جائیں گی، مذکورہ سعودی فلمیں بین الاقوامی ایوارڈ حاصل کر چکی ہیں۔
خطوة رائعة 👍
— بدر بن عبدالله بن فرحان آل سعود (@BadrFAlSaud) February 12, 2020
نیٹ فلکس پر سعودی فلمیں پیش کرنے پر وزیر ثقافت شہزادہ بدر بن عبد اللہ بن فرحان نے اظہار مسرت کرتے ہوئے اسے زبردست اقدام قرار دیا۔
نیٹ فلکس کا کہنا ہے کہ پیش کی جانے والی فلمیں سعودی نوجوانوں کی انتھک محنت کا ثمر ہیں جن میں سعودی معاشرے کے مختلف پہلوؤں کو اجاگر کیا گیا ہے۔
مذکورہ فلمیں رواں ماہ کے آخر تک نیٹ فلکس پر 190 ممالک میں دیکھی جاسکیں گی۔
نیٹ فلکس کے مطابق عالمی سطح پر سعودی فلموں کو پیش کرنے سے دنیا کو سعودی فلمی صنعت کے بارے میں معلومات ہوں گی۔
