ریاض: سعودی وزیر خارجہ شہزادہ فیصل بن فرحان نے غزہ جنگ بندی کیلئے جی ٹوئنٹی ممالک سے ایکشن کا مطالبہ کردیا۔
عرب میڈیا رپورٹ کے مطابق برازیل کے شہر ریو ڈی جنیرو میں منعقدہ جی 20 وزرائے خارجہ کا اجلاس ہوا جس کے پہلے سیشن میں سعودی وزیرِ خارجہ نے شرکت کی جس کا موضوع ’جاری بین الاقوامی تناؤ سے نمٹنے میں جی 20 کا کردار‘ تھا۔
سعودی وزیرِ خارجہ شہزادہ فیصل بن فرحان نے اجلاس میں خطاب کرتے ہوئے زور دیا ہے کہ وہ غزہ میں جنگ کے خاتمے کے لیے بامعنی اقدامات کے لیے دباؤ ڈالیں۔
سعودی وزیرِ خارجہ نے خطاب میں جی ٹونئٹی ممالک پر زور دیا کہ دو ریاستی حل کی جانب قابل اعتبار اور ناقابل واپسی راستے کی حمایت کریں۔
شہزادہ فیصل بن فرحان نے کہا کہ جی 20 مالک کی ذمے داری ہے کہ وہ غزہ میں ہونے والی تباہی کے خاتمے کے لیے فیصلہ کن کارروائی کریں، جس سے علاقائی امن، خوشحالی اور عالمی اقتصادی استحکام کو خطرات لاحق ہیں۔
دورسی جانب نیدرلینڈز میں عالمی عدالت میں سماعت کے تیسرے دن روس نے کہا اسرائیل حملے شہریوں کو مار رہے ہیں، روسی سفیر نے کہا کہ اسرائیل کی تمام خلاف ورزیوں کا بہترین حل آزاد فلسطینی ریاست کا قیام ہے۔
روسی سفیر نے مزید کہا کہ عدالت اسرائیل کو خلاف ورزیاں ختم کرنے اور ان کا معاوضہ ادا کرنے کا کہنے میں حق بجانب ہوگی۔
