ریاض: سعودی قیادت نے مسلم ممالک کےرہنماؤں کو عیدالفطر کی مبارکباد دیتے ہوئے نیک خواہشات کا اظہار کیا۔
تفصیلات کے مطابق سعودی قیادت نے عید الفطر کے موقع پر مسلم قائدین کے نام پیغامات بھیجے، پیغامات میں سعودی قیادت کی جانب سے مسلم ممالک کے رہنماؤں کو عیدالفطر کی مبارکباد دی گئی۔
أهنئكم بعيد الفطر، بعد أن بلغنا سبحانه وتعالى شهر رمضان المبارك، ومنَّ علينا بصيامه وقيامه، داعين المولى أن يتقبل منا ومنكم صالح الأعمال.
أعاد الله علينا هذا العيد وبلادنا وأمتنا العربية والإسلامية والعالم أجمع بخير وسلام.
وكل عام وأنتم بخير.— سلمان بن عبدالعزيز (@KingSalman) April 21, 2023
مسلم رہنماؤں نے بھی سعودی قیادت کو عید کی تہنیت پیش کی، سعودی بادشاہ شاہ سلمان اور سعودی ولی عہد کو مسلم ممالک کے قائدین کی جانب سے عید مبارک کے پیغامات بھیجے گئے ہیں۔
خادم حرمین شریفین اور ولی عہد نے جوابی پیغامات میں مسلم قائدین کیلئے نیک خواہشات کا اظہار کیا۔
خیال رہے سعودی عرب سمیت خلیجی ممالک میں آج عیدالفطرمنائی جارہی ہے، مسجد الحرام اور مسجد نبوی میں بھی نماز عید کا عظیم الشان اجتماع ہوا۔
مظالم کے باوجود ہزاروں فلسطینیوں نے نماز عید کے لیے مسجدِ اقصیٰ کا رُخ کیا، برطانیہ اس باربھی دو عیدیں منائی جا رہی ہیں، سعودی عرب کی تقلید کرنے والی مساجد میں آج نمازعید ادا کی گئی۔۔ جبکہ جماعت اہلِ سنت کی مساجد میں ہفتے بائیس اپریل کو عیدالفطرکی نماز ادا کی جائے گی۔