اسلام آباد : سعودی فرمانروا شاہ سلمان بن عبدالعزیز اور ولی عہدشہزادہ محمدبن سلمان نے آصف زرداری کو صدر منتخب ہونے پر مبارکباد دی ۔
تفصیلات کے مطابق صدر پاکستان کا عہدہ سنبھالنے کے بعد آصف علی زرداری کو دنیا بھر سے مبارکباد کے پیغامات موصول ہونا شروع ہوگئے۔
سعودی قیادت کی جانب سے صدرآصف علی زرداری کو مبارکباد کا پیغام موصول ہوا، سعودی فرمانروا شاہ سلمان بن عبدالعزیز اورولی عہدشہزادہ محمدبن سلمان نے صدر آصف زرداری کے نام مکتوب میں نیک جذبات اورصدرپاکستان کیلئے کامیابی، ملک کیلئے ترقی وکامرانی کی امید کا اظہار کیا۔
اس سے قبل ترک صدر رجب طیب اردگان نے صدرآصف علی زرداری کے لئے نیک تمناؤں کااظہارکرتےہوئےکہا تھا کہ پاکستان کےساتھ مختلف شعبوں میں گہرےبرادرانہ تعلقات ہیں، امید ہے آپ کے دورمیں پاک ترکیہ کےعوام کی خوشحالی کیلئےتعلقات مزیدمستحکم ہوں گے۔
چین کے صدرشی جن پنگ اپنے پیغام میں کہا تھا کہ دونوں ملک اچھے پڑوسی، اچھےدوست، اچھےشراکت داراوراچھےبھائی ہیں، دونوں ملکوں نے سی پیک کی تعمیرمیں نتیجہ خیزنتائج حاصل کیے ، چین اورپاکستان کے درمیان روایتی دوستی کوآگے بڑھانے کیلئے صدر زرداری کے ساتھ مل کر کام کرنے کیلئے تیار ہیں۔
