سعودیہ میں خطے کو متحد رکھنے کی صلاحیت موجود ہے، حاکم دبئی Dubai
The news is by your side.

Advertisement

سعودیہ میں خطے کو متحد رکھنے کی صلاحیت موجود ہے، حاکم دبئی

ریاض/ابوظہبی : شیخ محمد بن راشد المکتوم نے کہا ہے کہ سعودی عرب کی ترقی کے سفر میں محمد بن سلمان کے دست و بازو ہیں اور ہر موقع پر معاونت کریں گے۔

تفصیلات کے مطابق متحدہ عرب امارات کے وزیر اعظم اور حاکم دبئی شیخ محمد بن راشد المکتوم نے سعودی عرب میں منعقدہ عالمی سرمایہ کاری کانفرنس سے خطاب کرتے ہوئے کہا تھا کہ خطے میں جاری ترقی کی لڑائی میں محمد بن سلمان کے ساتھ ملکر کام کریں گے۔

عرب خبر رساں ادارے کا کہنا تھا کہ دوران خطاب محمد بن راشد المکتوم نے سعودی عرب کی ترقی کے لیے ہر موقع پر ساتھ دینے اور معاونت کرنے کا عزم ظاہر کیا۔

حاکم دبئی شیخ محمد بن راشد المکتوم نے سرمایہ کاری کانفرنس سے خطاب کرتے ہوئے کہا کہ سعودی عرب کے حکمران اور عوام ارادوں اور عزم و حوصلے میں چٹانوں سے زیادہ مضبوط بلند ہیں۔

شیخ محمد بن راشد المکتوم کا مزید کہنا تھا کہ سعودی عرب میں یہ صلاحیت موجود ہے کہ وہ خطے کو متحد رکھنے رکھ سکے۔

خیال رہے کہ امریکی اخبار سے منسلک سعودی صحافی جمال خاشقجی کے ترک دارالحکومت استنبول میں واقع سعودی سفارت خانے میں گمشدگی اور قتل کے معاملے پر امریکا سمیت کئی اتحادیوں نے ریاض میں منعقد سرمایہ کاری کانفرنس میں شرکت سے انکار کردیا تھا۔

غیر ملکی خبر رساں ادارے کا کہنا تھا کہ امریکا کے وزیر خزانہ اسٹفین میوچن نے سماجی رابطے کی ویب سائٹ ٹویٹر پر لکھا تھا کہ امریکا سرمایہ کاری کانفرنس میں شرکت نہیں کرے گا۔

مقامی میڈیا کے مطابق امریکی وزیر خزانہ کا کہنا تھا کہ سرمایہ کاری کانفرنس میں نہ جانے کا فیصلہ صدر ٹرمپ اور وزیر خارجہ سے ملاقات کے بعد کیا تھا۔

Comments

comments

یہ بھی پڑھیں